SEC 9 INT CASA NOITE

A apenas 4 días de comezar a gravar nos atopamos cada un na nosa casiña, ultimando os últimos detalles da curta.

Tras moitas semanas de traballo, e moitas malas noticias (a primeira, a caída de Mónica García do noso reparto inicial, a última, a negativa por parte dun dos nosos patrocinadores) vai chegando o momento de levar a cabo todo o plantexado.

Deseádenos sorte e a traballar duro estes días!

SEC. 8 INT AREA PANORAMICA-DIA

Xa falta menos!!

Tras outra longa semana de traballo individual, Cobaias segue avanzando aos pouquiños.

Para poder facer fronte aos gastos que unha produción de tal calibre xera estamos...
VENDENDO CHAPAS!!
Si, 500 chapas entre catro persoas nun par de semanas!
As magnificas chapas multiposición podense adquirir por soamente un euro, falando con calquera das catro Cobaias : David M. , Sara B. , Tamara A. ou Laura C.. ou nalgúns bares e pubs de Tui coma o Antiqua, o Irlandés ou A gruta.
Hai 3 modelos, faite con todas!!!

Por outra parte agardamos con especial interese a resposta dende outras instituciós as que lle pedimos axuda.

Tamén dicir que cada clik conta xa que temos o blog monetizado!


Colabora connosco!!!

SEC 7 INTERIOR SALA - NOITE

COBAIAS NECESITAVOS!!!

SEC 6 AULA28 INTERIOR-DIA

A ESTETICA DE COBAIAS!

O aspecto estético dos persoaxes baséase principalmente en dúas películas, ou máis ben en dous
directores. Para a vida no rural recurriremos a estética de Jean Pierre Jeanet (Amélie), persoaxes coloristas simulando os contos de fadas. Jeanet fará que a obra audiovisual , non perda a súa esencia: o conto infantil Rato de campo, rato de cidade .

A vida na cidade verase máis coma o cine de Álex de la Iglesia (ou Almodóvar), persoaxes moi caricaturizados, en contraste ca protagonista, ca intención de dar unha visión da xente da cidade coma persoas superficiais e extravagantes. Teresa encontrarase no seu camiño con varias dependientas (nunha gasolinera, nunha tenda...) Este persoaxe debe estar sempre interpretado pola mesma actriz, representaremos así, con movimientos mecánicos e un vesiario uniformado e de cores chamativos , a diferencia de mercar no pequeno comercio (trato cercano e de confianza) e nas franquincias ou grandes almacéns (trato distante, frases de cortesía aprendidas, atención

stándar) . No terceiro acto a casa da súa irmá tentará reflexar o equilibrio entre ámbalas dúas estéticas.

SEC 5 INTERIOR HABITACIÓN PISO-NOITE

Tras unha durisima semana onde non todo foron boas novas, cobaias segue adiante!

A partir de agora cobaias é libre e debe financiarse sen axuda do EAV. Así que toda achega é benvida!!

Por outra parte estes días irei subindo cousiñas interesantes do proxecto!!


Saúdos a tod@s!!

SEC.4 INTERIOR AULA 28 EAV - DIA

Faise saber:
Tras moitos quebradeiros de cabeza, traballo e nervios, estamos dando as ultimás pinceladas a localizacións e reparto, xa estan practicamente pechadas!!!

As localizacións, serán maioritariamente en Tui e as súas parroquias (Pazos de Reis, Guillarei e Randufe), sacando así a imaxe máis terna e bonita desta pequena cidade fronteiriza, reflexando o noso ben preciado rural galego sen caer nos topicos que tanto dano fan.Os decorados máis urbanitas e cosmopolitas se verán reflexados nas rúas e prazas de Vigo, creando así dous ambentes, dous mundos, opostos.



Referente ao noso reparto dicir que simplemente é impecable.
Contamos con actrices experimentadisimas tanto en teatro coma en televisión, as que lle estamos moi agradecidos de que decidisen prestarnos seu tempo e seu traballo nun soño noso.
Tamén contamos cun xovencisimo Alexandre Couceiro, recen saído da ESAD, pero que ten xa experiencia diante da cámara con dúas curtas as súas costas.

Presentamos ao noso preciadisimo reparto!! :

Marta Rios como Teresa

Apenas fixo televisión (Arredemos, 2007) e cine (curta Cambio Climático, 2006) pero destacamos a súa dedicación en teatro recibindo o premio María Casares á mellor actriz secundaria no 2011 por Volpone.

Isabel Risco como Susana

Actuou en Padre Casares, famosa serie da galega, e Land Rober da mesma cadea, a súa última obra foi a curta Tourettes en 2011

Mariana Carballal como Eva

Largo percorrido en teatro e televisión con series como Pratos Combinados, Matalobos, Libro de familia (directora).

En cine a súa obra máis coñecida foi O ano da Carracha.

Mónica Garcia como Dependenta e camareira

Tamén ten unha longa carreira teatral con obras do talle de As Actas Escuras, do centro dramático galego. En cine aparece en O lapis do carpinteiro e Os Luns ao Sol, entre outras. En televisión actúa en series como Pratos combinados, Valderrei, Terras de Miranda, etc.

Aurora Maestre como Nai

Unha experimentada actriz que participou en series como Herederos, da Televisión Española ou Padre Casares e As Leis de Celavella, da TVG.

Alexandre como Marce
O noso actor máis xove, recen saído da ESAD, pero que xa conta con experiencia diante da cámara.



Por outra parte agradecer enormemente o labor da figuración, xa que sen todos vos non sería o mesmo!, mención especial aos nosos pequenos e particulares Bruno e Iria!




Mañan é o día no que se decide se nos deixan seguir con Coballas (esperamos que si!).


Saudiños!!








Siguenos en Facebook e Tuenti!!!

http://www.tuenti.com/#m=Page&func=index&page_key=1_1489_70983739

SEC.3 INT. AULA 28 EAV-DIA

Tras moitos días de duro traballo (tanto que non poidemos nin escribir no blog!) isto xa vai tomando forma. Cobaias vaise gravar case na súa totalidade en localizacións de Tui (un lugar moi bonito que habedes de visitar a lo menos unha vez na vida), e iso que pensábamos que conseguir algúns espazos ía ser complicado, temos ata unha gasoliñeira! Por sorte a nosa Directora de Arte supo moverse e encontrar xente disposta a cedernos pedaciños das súas casas ou negocios. Ademais outro dato importante: temos o casting pechado! pero disto non imos falar todavía, preferimos deixarbos coa intriga un anaquiño máis. Só vos daremos unha pista: soaránvos algunhas caras. E ata aquí podemos ler. E non sufrades, a partir de agora trataremos de darvos información máis asiduamente e non ter o noso blog tan abandoado. Pasadeo ben este fin de semana, pero xa sabedes que en ningures ides estar mellor que na casa!